Концерт на Парушн Груп
07 октомври 2023
Влез 200 мкд
Македонскиот џез-состав „Парусион груп“ (Parussion group), на 7 октомври, сабота во 21 часот, во „Дом на млади“ во Штип, најавуваат уште еден концерт за вистинските љубители на квалитетниот модерен звук.
Како инструменталисти учествуваат врвните уметници Џоле Грујоски – гитара, Сале Икономов – бас, Александар Никодиновски – пијано, Петар Христов – сопран саксофон и Михаил Парушев на тапан.
]
Проектот „Агол“ на Парусион Груп и изработката на материјалот е замислен како заеднички експеримент на музичари и продуценти. Тоа е некомпресирано аудио што се снима природно. Ова е единствениот начин да се слушне мелодијата на здивот и ритамот на музиката. Композициите имаат среден ритам, варираат во неколку темпа и се инспирирани од традиционалните македонски ритми, но со современ звук.
Композициите се дел од творештвото на Парушев, а за проектот „AGOL Parusion Group“ беа подготвени аранжмани за деветчлен оркестар. Основата е македонска музика, но во сосема нова и модерна верзија. Инструментите ќе бидат во функција на автентичниот македонски ритам и мелодија со варијации и импровизација на солистот.
Со сличен звук ќе се претстави, Ансамблот „Парусион Груп“, а премиерно ќе биде изведен и новиот материјал „АГОЛ Парусион Груп“. Михаил Парушев ќе симулира повеќе ударни инструменти, од тапан и слични егзотични ударни инструменти. Овој тип на музика е повеќеслоен и им дава можност на слушателите да истражуваат и да се едуцираат.
